O IESU KERISO MO ASO NEI: O SE VA\'AIGA FA\'AMATAUPU SILISILI [JESUS CHRIST FOR TODAY: A THEOLOGICAL PERSPECTIVE]

EKALESIA FAAPOTOPOTOGA KERISIANO SAMOA PULEGA MANUKAU I SASA’E MAFUTAGA O A’OA’O FESOASOANI FEPUARI 15 – 16, 2013.

O IESU KERISO MO ASO NEI [JESUS CHRIST FOR TODAY] O SE VA’AIGA FA’AMATAUPU SILISILI [A THEOLOGICAL PERSPECTIVE] SAUNIA: IMOAMAUA SETEFANO F.S.

FA’ASINOGA I MATAUPU O LE PEPA [OUTLINE OF PAPER]  UPU FA’AFEILOAI [Greeting]  O LE FA’AFETAI [A word of thanks]  FA’ATOMUAGA [Introduction]  O LE Ā LE MATAUPU SILISILI? [What is Theology?]  O AI IESU KERISO? [Who is Jesus Christ?]  O LE FA’ATĀUAINA - “MO ASO NEI” [The importance of - “for today”]  FESOASOANI I FA’ATATAU MA MATAUPU SILISILI O LAUGA [Help for Application and Theology of Sermons]  UPU FA’AIU [Summary and Conclusion]

UPU FA’AFEILOAI [Greeting]  E fa’atalofa atu i le paia ma le mamalu o le mafutaga. Lau Afioga i le Toeaina Faatonu, Tavita Taulealo, tainane le paia maualuga o Susuga i Fa’afeagaiga Taulagi, Faifeau Nofo-Aiga, Aoao ua i’u mai Malua, ae maise le mamalu i outou Susuga i Aoao Fesoasoani o le tatou Pulega, ua saunia faapitoa ai lenei pepa. Malo lava le soifua ma le lagi i mamā.  Ia viia pea le Atua mo lenei mafutaga ua Ia saunia mo lana Aufaigaluega filifilia, tatou te fetufaa’i ai i mataupu Fa’aleagaga, auā lana feau ma lana galuega.  Tau ina ia faatasi mai le Agaga o le Atua i lenei aso, ina ia fai ma viiga o lona Suafa, mea uma tatou te fai.

O LE FA’AFETAI [A word of thanks]  E avea foi lenei avanoa e momoli atu ai le agaga o le fa’afetai i Lau Susuga i le Tama o le Matagaluega ma le Pulega, Lau Susuga i le Toeaina Faatonu, Tavita Taule’alo, ona o le avanoa ua tuuina mai, ou te saunia ai se pepa mo le tatou mafutaga i lenei tausaga. Fa’afetai, fa’afetai tele lava.  E ia i lava le talitonuga, e leai se atoatoa o i lenei pepa, po’o lo’u tagata fa’atauva’a e tusa ma le mataupu e pei ona tu’uina mai, ae o le faamoemoe, o lo outou fesoasoani mai, fa’atasi ma le fa’atasi mai o le Agaga o le Atua, o le a saga fa’atamāoaigaina ai se taumafaiga vāivai a le auauna.  O le ā foi se tapenaga ua o’o ai le malosi o le atalii, ia mālu ‘ave i fale i so outou finagalo, pe afai e afaina ai ni manatu ma ni lagona a le ‘au uso. O upu o le atunuu: “E poto lava le tautai, ae sese lana atu i āma. E leai lava se faiva e ‘asa ma le māumau.”  O le tatalo ia tumau pea i lo tatou vā, le alofa fa’apalepale a lo tatou Atua.

FA’ATOMUAGA [Introduction]

O le mataupu: “O Iesu Keriso mo aso nei” Ua vaevaeina le tatou mataupu i ni vaega taua se 6: 1) O le a le Mataupu Silisili? 2) O ai Iesu Keriso? 3) O le fa’atāuaina o aso nei? 4) O fa’ata’itaiiga o i le galuega 5) O le fesoasoani mo fa’atatau ma mataupu silisili o Lauga

O LE Ā LE MATAUPU SILISILI? [What is Theology?]  O mataupu tau le Atua [The Study of God “Theos” – God, “Logos” – Word, i.e. study]  E fa’avae le Mataupu Silisili Fa’akerisiano i le Tusi Paia [2 Timoteo 3:16-17]  E va’ava’alua ma le tatalo [Efeso 6:18-20]  O le matafaioi o le tagata fa’atuatua, e saili atu i le Atua ma lona finagalo, ma ia alofa i le Atua ma lona tagata atoa, e pei ona ia muai saili mai ia i tatou, ma muai alofa mai ia te i tatou [Teuteronome 6:4-9, Mareko 12:29-31, Ioane 3:16, 1 Ioane 4:7ff,].

O AI IESU KERISO? [Who is Jesus?] O LE EVAGELIA A MATAIO:  O le atalii o Tavita [Mataio 1:1] O le fa’amamafa a Mataio o Iesu o le Mesia mai le gafa tau tupu a Tavita.  O le atalii o Aperaamo [Mataio 1:1] O Aperaamo o le Tamā o le nu’u o Isaraelu, na valaauina e le Atua e avea ma nu’u tele [cf. Kenese 12:1-3] E 14 āugatupulaga mai ia Aperaamo ona o’o loa ia Tavita. E o’o i le isi 14 o āugatupulaga ua fa’atāfea i Papelonia. E 14 āugatupulaga ona fanau mai lea o Iesu Keriso. O lona uiga o le fa’ailoga o le isi lea taimi tāua mo le nu’u o le Atua.  O le atoaga o folafolaga a le Atua mai le Feagaiga Tuai i le Mesia po’o le Keriso. [Mataio 1:17]

O AI IESU KERISO? [Who is Jesus?] EVAGELIA A MAREKO  O le Alo o le Atua [Mareko 1:1, 15:1-41, 16:1-20]  E valaau ma mulimuli ai loa tagata [Mareko 1:14-20]  E tuli esea agaga leaga mai tagata [Mareko 1:21-45, 5:1-20]  E fa’amaloloina ma’i [Mareko 1:29-45]  E fa’amagaloina agasala [Mareko 2:1-12]  E alofa ma taliaina so’o se tagata, o tagata āo lafoga, fafine tālitane, tagata o nu’u ese [Mareko 2:17]  E pule i le matagi ma le sami [Mareko 4:35-41]

O AI IESU KERISO? [Who is Jesus?] EVAGELIA A LUKA  O le taunuuga o le perofetaga a Mika 5:2 i le Mesia [Luka 2:1-7]  O le Faaola, le Keriso, le Alii mo le lalolagi atoa [Luka 2:12]  O le Atali’i pele o le Atua, e fiafia ai o Ia [Luka 3:21-22]  O le Atali’i o Atamu [Luka 3:38]  O le Keriso Toetu [Luka 24:13-54]

O AI IESU KERISO? [Who is Jesus?] EVAGELIA A IOANE  O le Upu liutino tagata, o le Atua le Upu [Ioane 1:14]  O le Alo e toatasi o le Tamā, ua tumu o ia i le alofa ma le faamaoni [Ioane 1:14, 3:16]  O Iesu Keriso o le Atu lava ia [Ioane 1:18]  O le Rapi, ae ina ua malamalama le ‘au so’o, o ia lava o le Mesia [Ioane 1:38, 42].  O le Tupu o Isaraelu [Ioane 1:49]  “O a’u o Lē Ola, o lo’o Ola Lava” [cf. Esoto 3:14 ma le Ioane 6:35, 48; 8:12, 9:5, 10:7, 9; 10:11, 14; 11:25; 14:6; 15:1, 5] – O le areto o le Ola, O le malamalama o le lalolagi, O le faitotoa, O le Leoleo Mamoe lelei, O le Toetu ma le Ola, O le Ala, Upu Moni, ma le Ola, O le Vine Moni.

O LE FA’ATĀUAINA “MO ASO NEI” [The Importance of “ for today”] E tāua lou manatuaina le eseese o aso: O aso na soifua mai ai Iesu Keriso [maliu-AD 30/33] O aso na tusia ai Evagelia [Mareko – AD 60/65, Mataio 70s, Luka 70s, Ioane 85] E ese foi nei aso ua outou soifua ma ou ola ai, ma tatou taumafai e lauga ma folafola le Tala Lelei ia Iesu Keriso [2013 - ].

FESOASOANI I FAATATAU MA MATAUPU SILISILI O LAUGA [Help for Application and Theology of Sermons]  O le fa’atāuaina “mo aso nei”, e fesoasoani i le fauina o manatu o le lauga, auā o le a e mafaufau loloto i lo tatou siosiomaga i lenei vaitau, i nisi o mea po’o faafitauli fo’i o lo’o tutupu i aiga, i le lotu, i le lalolagi, ma fua fa’atatau ai le feau o le lauga ma lona Mataupu Silisili.[If we remember today, then we will remember where we are and what are some of the issues, to help ground the theology of our sermons so our applications will be relevant.]  O i tonu lava e lē fesiligia ai le papa’i o lau lauga! [Our sermons will always be relevant, when we think of today!]  O le agaga maualuga: Ia fa’atāuaina “aso nei” atoa ma “aso o le Tusi Paia” [We must take seriously today and also the days of the Bible]  E tatau ona tau’ave mea uma e lua! [We must consider both sides!]

UPU FAAIU [Summary and Conclusion]  O Iesu Keriso o le Alo o Le Atua, o Le Atua Le Alo, o Ia lava o le Atua.  Na folafolaina e le Feagaiga Tuai, o Iesu o le Mesia o Isaraelu, ua avea ma Fa’aola o le lalolagi atoa, mai le agasala, le oti, ma le tu’ugamau.  Na molimau ai le ‘au fai Evagelia, o tatou foi o molimau a Iesu Keriso “mo aso nei.”  Ia tatou fa’atāuaina “aso nei” fa’atasi ma “aso o le Tusi Paia” Ma lo’u fa’aaloalo tele, Soifua ma ia manuia le mafutaga, ae maise le galuega o le Atua o lo’o outou fitā i tuga ai.