Discursos sobre Galaxia. Conhecimento construído e novas perspetivas de análise em Ciências Humanas para sistemas em processo de emergência [índice + intro]

Cristina Martínez Tejero Tese de doutoramento

Discursos sobre Galaxia Estudo do conhecimento construído e novas perspetivas de análise em Ciências Humanas para sistemas em processo de emergência

Departamento de Filologia Galega Faculdade de Filologia ― Santiago de Compostela ― 2014

PROGRAMA DE DOUTORAMENTO TEORIA DA LITERATURA E LITERATURA COMPARADA DEPARTAMENTO DE FILOLOGIA GALEGA FACULDADE DE FILOLOGIA

Discursos sobre Galaxia Estudo do conhecimento construído e novas perspetivas de análise em Ciências Humanas para sistemas em processo de emergência

Tese de doutoramento apresentada por Cristina Martínez Tejero e orientada polo Prof. Dr. Elias J. Torres Feijó

Asdo. Cristina Martínez Tejero

Asdo. Elias J. Torres Feijó (visto e praz)

– 2014 –

ÍNDICE

INTRODUÇOM. TOMADAS DE DECISOM SOBRE O OBJETO DE ESTUDO E OBJETIVOS...13 BLOCO I. QUADRO TEÓRICO-METODOLÓGICO...................................................21 1. OBJETIVOS E OBJETO DE ESTUDO................................................................21 1.1. O projeto Fisempoga............................................................................22 1.2. O período 1968-1973 e a configuraçom final desta tese.......................28 2. METODOLOGIA............................................................................................40 2.1. Sociologia da literatura e sistemas em processo de emergência.........41 2.2. Empirismo e investigaçom qualitativa................................................47 2.2.1. Ferramentas instrumentais: bases de dados.................................................50 2.3. Debates metodológicos: Análise (estrutural) de redes sociais e campo literário.......................................................................................................53 2.4. As noçons de conhecimento construído, estado da arte e campo de

estudos em sistemas em processo de emergência.....................................72

BLOCO II. CONHECIMENTO CONSTRUÍDO E ESTADO DA ARTE SOBRE GALAXIA...81 1. CONSTRUÇOM DO CONHECIMENTO............................................................84 1.1. Campo da história e da ciência política...............................................86 1.1.1. Campo da historiografia galega contemporánea: configuraçom e agentes....86 1.1.2. Discursos críticos...........................................................................................110 1.1.2.1. Discursos sobre Galaxia.......................................................................125 1.1.3. Procedimentos de abordagem ....................................................................132 1.2. Campo dos estudos literários.............................................................142 1.2.1. O estudos sobre a literatura galega contemporánea: cartografia, agentes e perspetivas...............................................................................................................142 1.2.2. Discursos críticos...........................................................................................177 1.2.2.1. Discursos sobre Galaxia.......................................................................192 1.2.3. Procedimentos de abordagem.....................................................................204 1.3. Outras áreas dentro do campo dos estudos galegos..........................225 1.3.1. Filosofia: discursos críticos e procedimentos de abordagem ................225 1.3.2. Estudos linguísticos.......................................................................................243 1.3.3. Estudos sobre a ediçom................................................................................253 1.3.4. Estudos da comunicaçom............................................................................255 1.4. Focagens específicas..........................................................................260 1.4.1. Sobre Galaxia..................................................................................................261 1.4.2. Sobre agentes..................................................................................................270 1.4.2.1. Discursos críticos...................................................................................274 1.4.2.1.1. Discursos sobre Ramón Piñeiro e outros agentes...................287 1.4.2.2. Procedimentos de abordagem.............................................................313 1.4.3. Materiais testemunhais..................................................................................319

2. ESTADO DA ARTE.......................................................................................323 2.1. Campo político...................................................................................323 2.1.1. Dimensom e atuaçom política de Galaxia.................................................324 2.1.2. Galaxia e os rumos do nacionalismo..........................................................332 2.1.3. Críticas a Galaxia. O piñeirismo..................................................................344 2.2. Campo literário e campos culturais...................................................347 2.2.1. Planos de atuaçom cultural, releváncia e centralidade.............................347 2.2.2. Instituiçons próprias......................................................................................356 2.2.2.1. Editora.....................................................................................................356 2.2.2.2. Grial. Revista galega de cultura..................................................................370 2.2.2.3. Revista de Economía de Galicia.................................................................371 2.2.2.4. Fundación Penzol..................................................................................373 2.2.2.5. Patronato Rosalía de Castro.................................................................375 2.2.2.6. Outros......................................................................................................376 2.2.2. Instituiçons alheias.........................................................................................377 2.2.3. Atuaçom no campo literário...................................................................381 2.2.4. Outros campos culturais. O campo linguístico........................................388 2.3. Campo de produçom ideológica........................................................393 2.3.1. Símbolos identitários.....................................................................................393 2.3.2. Língua...............................................................................................................397 2.3.3. Cultura, literatura e pensamento.................................................................398 2.3.4. Política, galeguismo e povo..........................................................................403 2.3.5. Referentes........................................................................................................406 2.4. Agentes e grupo.................................................................................408 3. CONCLUSONS.............................................................................................413

BLOCO III. ABORDAGENS SOBRE GALAXIA.......................................................423 1. ESTUDOS DE CASO.....................................................................................424 1.1. A conquista da centralidade sistémica...............................................425 1.1.1. A criaçom de instituiçons.............................................................................427 1.1.2. Os espaços conquistados..............................................................................429 1.1.3. A pluralidade de ámbitos de atuaçom........................................................430 1.1.4. Sobreviver em meios adversos.....................................................................431 1.1.5. Açom política difusa......................................................................................432 1.1.6. A atuaçom em coletivo.................................................................................433 1.1.7. Final: da sobrevivência para a hegemonia.................................................435 1.2. A atuaçom de Galaxia no espaço institucional do tardo-franquismo..436 1.2.1. Instituiçons oficiais e «labor institucional»................................................438 1.2.2. A Real Academia Gallega e a participaçom institucional de Galaxia....440 1.2.3. Atividade institucional e funcionamento sistémico.................................447 1.3. A produçom editorial de Galaxia (1951-73)........................................452 1.3.1. Período 1951-67.............................................................................................457 1.3.2. Período 1968-73.............................................................................................467 2. PROPOSTAS

PARA A ANÁLISE DO GRUPO

GALAXIA

NO SISTEMA CULTURAL

GALEGO.........................................................................................................480

BIBLIOGRAFIA....................................................................................................489 SIGLAS................................................................................................................538 ANEXOS.............................................................................................................539 I. Livros publicados por Galaxia entre 1951 e 1973................................................539 II. Inscriçom de Galaxia no Registro Mercantil de Pontevedra............................549

INTRODUÇOM: TOMADAS DE DECISOM SOBRE O OBJETO DE ESTUDO E OBJETIVOS

«Non é aventurado decir que sin o esforzo político-cultural de Galaxia a imaxe de Galicia actual sería ben distinta» 1. Esta reflexom de Ramón Piñeiro (1981), escrita três décadas depois da fundaçom da editora que estrutura este projeto e por um dos seus agentes mais destacados, sintetiza com perfeiçom o impacto que Galaxia tivo na história galega da segunda metade do século XX e, em geral, na configuraçom presente do país. Planeada como umha iniciativa de subsistência ante as graves consequências sofridas no movimento galeguista após a guerra civil e a instauraçom do regime franquista (Núñez Seixas, 1994b; Beramendi e Núñez Seixas, 1996), a atuaçom do grupo gerado à volta da editorial vai-se definindo nos anos 50 para alcançar umha posiçom central de intervençom no espaço social galego já desde finais dessa década e consolidar esta localizaçom nos lustros posteriores. 1

Esta tese de doutoramento foi parcialmente elaborada ao abeiro dum contrato de investigaçom na Universidade de Santiago de Compostela (USC), enquadrado dentro do programa María Barbeito da Xunta de Galicia, e que se desenvolveu entre o 30.12.2008 e o 29.06.2011. Integra-se igualmente no projeto de pesquisa Fabricación y socialización de ideas en un sistema emergente en un período de cambio político: Galicia (1968-1982) desenvolvido no seio do grupo Galabra da USC e financiado polo Ministerio de Ciencia y Tecnología do governo espanhol (código: FFI2008-05335). ~ 13 ~

O período compreendido entre a (conhecida como) transiçom democrática ―encetada formalmente com a morte do ditador Francisco Franco o 20 de novembro de 1975 (embora seja possível adiantar esta data até finais de 1973 dadas as mudanças que se começam a produzir dentro do regime a partir do assassinato do almirante Carrero Blanco, previsível sucessor de Franco)― e a consolidaçom do governo autonómico com as primeiras eleiçons ao Parlamento de Galicia em 1981 supom a etapa de reafirmaçom e visibilizaçom pública do poder acumulado por Galaxia na fase prévia. Deste jeito, alguns nomes associados a este coletivo participam de forma ativa nos diferentes órgaos de governo fraguados nesta altura ―desde a Xunta préautonómica2 de Antonio Rosón com a presença de Marino Dónega ou Benxamín Casal até a participaçom na qualidade de deputados do primeiro Parlamento de Galicia por parte de Ramón Piñeiro, Carlos Casares e o próprio Casal― e, em parte, o núcleo em si posiciona-se como grupo de pressom política sob a fórmula de «Realidade Galega» nas negociaçons encaminhadas à fixaçom do Estatuto de Autonomia em 1979. Os cargos institucionais ocupados desde entom alcançam o mais alto nível, do que é amostra a presidência do máximo órgao de governo autonómico, a Xunta de Galicia, por parte de Xerardo Fernández Albor no partido conservador Alianza Popular ou os postos de senador nas primeiras Cortes espanholas (por concessom da autoridade monárquica) e, posteriormente, como delegado do governo na Galiza, para Domingo García-Sabell. Além disto e dentro do plano cultural sempre privilegiado como quadro de atuaçom na sua trajetória, Ramón Piñeiro é nomeado para presidir à principal instituiçom autonómica nesta matéria, o Consello da Cultura Galega, criado em 1983 segundo as diretrizes estabelecidas no Estatuto de Autonomía de Galicia como órgao assessor e consultivo para a defesa e proteçom da cultura própria, e cujo cargo foi ocupado posteriormente ―de forma quase unitária, com a única exceçom do seu imediato sucessor, Filgueira Valverde― por agentes também adscritos ao grupo Galaxia em virtude da sua proximidade e unidade de atuaçom, respetivamente Carlos Casares (entre 1996 e 2002), Alfonso Zulueta de Haz (2002-2006) e Ramón Villares 2

Governo provisório estabelecido em 1978 e ativo até a constituiçom do primeiro parlamento autonómico em 1982. ~ 14 ~

(desde 2006 até a atualidade) 3. A extensom desta posiçom consolidada fica visibilizada nos reconhecimentos académicos atribuídos a quatro dos agentes mais claramente identificados com este grupo desde a década de 90, respetivamente, a Medalla de ouro da Universidade de Santiago de Compostela para Ramón Piñeiro, e os nomeamentos como doutores honoris causa de Francisco Fernández del Riego e Xaime Isla Couto pola Universidade de Vigo e de Domingo García-Sabell pola Universidade da Coruña 4. O panorama aqui traçado situa-nos ante a realidade de Galaxia como núcleo de poder aos níveis tanto político como cultural ―e, em algumha medida, social― desde décadas atrás, o que tem umha dupla consequência na configuraçom atual do sistema, dumha parte, a herança recebida do contacto ―mais ou menos direto― com este grupo e, em virtude disto, a necessidade dum posicionamento em positivo ou negativo ante o que se considera umha atuaçom decisiva na conformaçom do mapa político galego e no desenvolvimento do movimento nacionalista. Neste último sentido, abordar o tema de Galaxia e o considerado o seu principal ideólogo, Ramón Piñeiro, continua a ser incómodo nos foros de debate e deriva na adscriçom das pessoas intervenientes a posiçom antagónicas e reconhecíveis sob os rótulos de piñeiristas e anti-piñeiristas5. A apreensom de Galaxia como objeto de estudo configura-se, portanto, como dotada dumha especial complexidade em virtude de todas as problemáticas associadas e desde a sua própria posiçom de força na atualidade. ***

3

4

5

Carlos Casares ocupou a presidência da editorial Galaxia entre 1986 e 2002; Villares foi integrante do conselho de administraçom de Galaxia entre 2005 e 2007; Zulueta de Haz ocupa em 2013 a presidência da Fundación Penzol e a vice-presidência primeira de Galaxia. Aos dados aqui achegados unem-se as múltiplas presenças nas diversas instituiçons culturais existentes na Galiza ou, inclusive, o capital social ligado a algum dos seus nomes como som os médicos Fernández Albor e Sixto Seco, responsáveis dum dos principais hospitais privados em Santiago de Compostela. Franck Meyer (1999: 29) incide precisamente nas problemáticas associadas à focagem de Galaxia aludindo a que o contributo que apresenta nom pretende «reanimar as discusións de índole político-cultural que nalgún momento se teñen librado cunha forte carga emocional». ~ 15 ~

Se as coordenadas marcadas até o momento servírom para situar a importáncia de Galaxia, torna-se oportuna a localizaçom e inscriçom desta tese de doutoramento dentro dum projeto de investigaçom desenvolvido até 2013 no seio da Universidade de Santiago de Compostela polo grupo Galabra e que pretendia dar conta do processo de construçom do sistema cultural galego (com um foco especial no literário) no período compreendido entre 1968 e 1982 6. Desde umha base metodológica inovadora e com fonte nas teorias sistémicas, o objeto fixado inicialmente para este trabalho em concreto procurava umha focagem extensa do sistema no período do tardofranquismo (1968-1973) a partir da totalidade do corpus textual produzido; no entanto, esta primeira formulaçom revelou-se inviável polo grau de ambiçom nela contido e colocou a necessidade dumha delimitaçom maior do objeto. As pesquisas desenvolvidas nesta primeira fase ―dotadas do reforço do trabalho em equipa e das investigaçons prévias, mas simultaneamente configuradas como dum certo perfil experimental ao estarmos ante umha metodologia insuficientemente explorada e ainda em elaboraçom― demonstrárom a ausência de abordagens sistemáticas sobre o núcleo do sistema, isto é, sobre o funcionamento do pólo do poder (face a um privilégio atribuído historicamente nos estudos literários e da cultura a aqueles processos e autoras/es de natureza periférica, polo menos, numha fase da sua trajetória). Esta deduçom, junto com os condicionantes explicitados anteriormente, determinou a fixaçom dumha pergunta inicial para este tese destinada a dar conta do funcionamento do grupo Galaxia no sistema cultural galego entre 1968 e 1973. Esta questom derivou no desenvolvimento da pesquisa numha outra que se constituiu em fundamental ao examinar o estado da arte à luz do quadro metodológico estabelecido e que se interroga polas implicaçons do saber fixado sobre um objeto na elaboraçom de perguntas sobre ele e, inclusive, no seu impacto no conhecimento real (sendo esta umha das linhas de trabalho partilhadas polo grupo Galabra). O conhecimento existente sobre Galaxia revelou-se como interligado à própria construçom do sistema e às dinámicas associadas à atuaçom do próprio grupo polo 6

No bloco 1 correspondente ao quadro teórico-metodológico aprofundam-se em todas estas questons oferecendo dados concretos sobre os objetivos contidos neste projeto. ~ 16 ~

que este assunto reclamou na elaboraçom da tese umha atençom prioritária. Este feito foi paralelo à dissoluçom, em grande parte, do quadro temporal delimitado no tardofranquismo, só justificável com base à organizaçom interna do projeto de pesquisa, e dado ser irrelevante na trajetória do grupo Galaxia, cujas principais atuaçons, aquelas justificativas da sua posiçom no sistema, situam-se em momentos anteriores ou posteriores. Portanto, as necessidades da investigaçom, derivadas do quadro metodológico eleito, levárom a variar em bastante medida o ámbito do objeto e do seu corpus e, assim, a primitiva focagem7. Consequentemente, e tendo em conta as dinámicas próprias e complexas do caso galego, os objetivos finais desta tese de doutoramento situam-se em três níveis complementares e interligados destinados a crescer no conhecimento sobre: Galaxia (e o sistema cultural galego), os processos de construçom de conhecimento e o estudo de sistemas emergentes. Este trabalho incorpora, portanto, umha parte importante de reflexom metodológica destinada a discutir e oferecer vias de análise, desde a especificidade assinalada mas com umha vontade de encontrar fórmulas úteis para processos semelhantes. O desenvolvimento expositivo deste trabalho concretiza-se em três blocos, o primeiro dos quais está destinado a aprofundar nos objetivos contidos nesta tese, à luz sobretodo dos propósitos incluídos no projeto de pesquisa, assim como reflexionar sobre questons metodológicas que afetam ou som discutidas na atualidade no estudo de processos emergentes, tendo em conta, aliás, as especificidades correspondentes à situaçom galega. Muitos dos argumentos colocados neste primeiro apartado guardam relaçom com as formulaçons prévias dadas a esta tese de doutoramento, apesar do 7

Apesar de que Galaxia acaba de ser aludida como grupo, na realidade o título desta tese nom carateriza o seu perfil (Discursos sobre Galaxia); Galaxia pode ser vista como grupo, como editora, como geraçom, como determinada orientaçom ideológica, como projeto político, como projeto cultural, como umha forma de atuaçom concreta, etc. Até à própria denominaçom de ‘grupo’ pode eventualmente referir-se a um conjunto empresarial ou a de pessoas unidas por diversos vínculos de índole variada. Esta ambiguidade e polissemia é, aliás, sintoma da multifacetada atividade dessa entidade, do estado de campo e do seu projeto para (a conformaçom de) diversos sistemas e pode chegar, se se contrastar com realidades de emergência similares, a ser umha das formas de marca da atuaçom e conceçom desta classe de entidades noutros espaços sociais. ~ 17 ~

qual e dado o seu interesse ―tanto para perceber esta pesquisa como pola utilidade que podam ter para aproximaçons futuras― ficam refletidos aqui. A segunda destas grandes divisons configura-se como a parte central desta proposta investigadora e orienta-se a analisar o conhecimento existente ―tanto no decurso da sua construçom como no resultado final― sobre o grupo Galaxia, desenvolvendo, com este fim, reflexons demoradas sobre o funcionamento do campo dos estudos galegos e aspetos exclusivos ligados à produçom de saber sobre este coletivo para concluir as principais dinámicas que afetam a este processo, assim como as caraterísticas e deficiências localizáveis no conhecimento existente sobre este assunto. Abordar Galaxia significa tratar cada um dos campos em que intervinhérom e intervenhem, pola sua centralidade, e abordar também os campos de estudos que os investigam. É por isso que neste trabalho fôrom analisados esses mesmos campos de estudos e procedeu-se neles ao estabelecimento e agrupamento do pessoal polas ideias e tempos, instáncias e mecanismos utilizados para transmitir ideias e os efeitos produzidos. Este processo, com um corpus elevado e com um esforço significativo de análise e relacionamento, permite explicar graficamente lógicas de posiçons e funçons ou de evoluçom do campo, assim como propor alguns instrumentos metodológicos, frente a classificaçons apriorísticas distorcedoras. Finalmente, e fiado às conclusons dos dous anteriores capítulos, um terceiro dirige-se a oferecer três estudos de caso vinculados à açom de Galaxia desde perspetivas diferentes às localizadas na bibliografia secundária e com umha vontade de inovaçom metodológica que poda contribuir para superar algumhas das problemáticas inerentes à focagem de objetos e dinámicas complexas, junto com o estabelecimento, como feche, dalgumhas das linhas de pesquisa a explorar no futuro. Para concluir, quero apenas incidir ―nom como alarde, mas como justificaçom geral e proposta de contraste― no carácter arriscado que domina as formulaçons desta tese de doutoramento, nom só por centrar-se em aspetos tradicionalmente «introdutórios» dentro de trabalhos destas caraterísticas, senom também pola vontade de reflexom e inovaçom metodológica que a acompanha e sustenta no seu desenvolvimento. O que é oferecido nestas páginas é um teste sobre um objeto e um ~ 18 ~

método cuja avaliaçom tenta determinar a validade das propostas analíticas planteadas desde longo tempo no grupo Galabra e com as que se pretende tanto questionar processos latentes que afetam à construçom social do saber e (consequentemente) do real, como procurar novas perguntas e vias de abordagem nas investigaçons desenvolvidas.

~ 19 ~